Lieus da lavur e persunas occupadas en il chantun Grischun tenor onn, gener economic ed unitad d'observaziun, dapi l'onn 2011

Quest Dataset preschenta las cifras annualas dals lieus da lavur e da las persunas occupadas en il Grischun tenor gener economic, a partir da l'onn 2011.

Lieu da lavur:

In lieu da lavur correspunda ad in manaschi (interpresa singula) u ad ina part d'in manaschi (lavuratori, fabrica e.u.v.) che sa chatta en in tschert lieu. Quest lieu è topograficamain determinabel. Là exequeschan ina u pliras persunas activitads per il medem manaschi. Lieus da lavur che sa chattan en il medem edifizi, ma che appartegnan a differents manaschis vegnan registrads separadamain.

Equivalents a temp cumplain:

In equivalent a temp cumplain (ETC) correspunda ad ina plazza occupada da 100 % (p.ex. correspunda ad ina plazza da 50 % a temp cumplain). Ils equivalents a temp cumplain vegnan calculads a maun d'in model da stimaziun che sa basa en emprima lingia sin las datas da la AVS tenor ils secturs economics e tenor la schlattaina. Questas datas vegnan cumplettadas cun datas da retschertga, inclusiv la statistica d'occupaziun (STATIMP).